வைரமுத்துக்கு கிடைத்த 2வது சர்வதேச அங்கீகாரம்
- IndiaGlitz, [Sunday,August 28 2016]
தேசிய விருது உள்பட பல விருதுகளை பெற்ற கவியரசு வைரமுத்து எழுதிய 'வெள்ளை பூக்கள் என்ற தமிழ் பாடல் ஐ.நா.சபையில் ஏ.ஆர்.ரஹ்மானால் பாடப்பட்ட பாடல் என்ற பெருமையை பெற்றிருந்தது.
இந்நிலையில் வைரமுத்துவின் இன்னொரு பாடலான 'தஞ்சாவூர் மண்ணு எடுத்து' என்ற பாடல் நேற்று முன் நடந்த சிங்கப்பூர் முன்னாள் அதிபர் எஸ்.ஆர்.நாதன் அவர்களின் இறுதிச்சடங்கில் ஒலித்துள்ளது. இதுவே வைரமுத்துவின் பாடலுக்கு கிடைத்த இரண்டாவது சர்வதேச அங்கீகாரமாக கருதப்படுகிறது.
முன்னாள் சிங்கப்பூர் அதிபர் எஸ்.ஆர்.நாதன் ஏற்கனவே வைரமுத்துவின் சிறந்த நண்பர்களில் ஒருவர் மட்டுமின்றி அவருடைய பாடல்களின் தீவிர ரசிகர் என்பதும் குறிப்பிடத்தக்கது.